السلام عليكم يابنات كيفكن حبيباتي اليوم عملت معكرونة بالبيتزا من اختراعي كتير كتير طيبة
مارح اطول عليكن المقادير:
كيس معكرونة اي نوع بتحبي
معجون طماطم ملعقتين طعام
لحمة مفرومة
فلفل اسود نصف ملعقة صغيرة
طماطم حبتين مفروم ناعم
حبة فليفلة خضرا مفرومة ناعم
زعتر اخضر يابس ملعقة صغيرة
زيتون اسود مقطع دوائر ملعقتين طعام
بصلة مفرومة ناعم
فص ثوم مدقوق
مكعب ماجي
زيت زيتون 3 ملاعق طعام
جبنة موزاريلا كوب
ملح حسب الرغبة
الطريقة :
نسلق المعكرونة مع شوية ملح وزيت ونصفيها ونتركها ع جنب
ناخذ الزيت الزيتون نحطة في قدر ونقلي البصلة والثوم مع بعض بس من بلشوا يذبلونضع اللحمة ونقليها والبهارات بس استوت نجيب معجون الطماطم والطماطم المفرومة والماجي ونضيفهن ونضيف عليهن نصف كوب ماء ببلشوا يغلو بس تشفت الماء منضيف الزعتر والفليفلة والزيتون ونحركهن منقليهن شوي ومنضيف المعكرونة ونحركن سوا منطفي النار بعدين منجيب صينية او بيريكس ونحط المعكرونة فيه ونرش الجبنة ع وشا وندخلها الفرن من فوق حتى تسيح الجبنة وتتحمر وبالهنا والعافية ..........اذا عجبكن طبقي اليوم ادعولي الله يفرج همي مستنية ردودكن يا قمورات