ملخص حلقه 85 على قناة KanalD - موسم3

الحلقة ابتدت لما ايشة كانت بتجري تلحق الباص عشان تقابل مته شافها عثمان
جري وراها ملحقهاش, في المحل مته قال لايشه شوية وحنطلع سالته اليوم كمان
حتقفل المحل قالها لاء شويةة يجي اخويا و بعدها نطلع, عثمان وصل

المحل سمع الموسيقى شغالة دخل, طبعا كنا مفتكرين انه حيشوف ايشة مع مته بس
كانوا \لعوا و ساب صبي القهوجي في المحل لغاية ما يجي عثمان, راحوا على
مطعم في الغابة, وهم قاعدين جم مجموعة شباب, ايشة شبهت واحد منهم للصديق
اخوها استخبت تحت الطربيزة عشان لو شافها حيقول لاخوها, بعدين اتحققت منه
طلع مش اللي كانت فاكراه, مشيوا من المطعم على مكان يكون بعيد عن العين و
مته قالها كدة مش حينفع انتي عرفيني باخوكي, عشان اعرف اخرج معاكي نروح
سيما او اي مكان,
في بيت سونار كلموه من الشركة عندهم شوية مشاكل لازم
يروح بنفسه عشان يحلها, اخد سليمان و ساب دنيز مع المربية, المربية كانت
بتديها درس في المزيكا لكن دنيز مش حباها فجريت منها و المربية تجري وراها,
دنيز دخلت اوضة واستخبت ورا الباب لما المربية دخلت وراها طلعت وقفلت
الباب على المربية, المربية اخدت تقولها يابنتي افتحي الباب و جنيز ترفض و
اخيرا جريت على الجنينة صعدت على الشجرة مش عايزة تنزل الا لو المربية
مشيت, كلموا سونار عشانيجي يشوف بنته, ساب الاجتماع, هو اصلا مكانش مركز
معاهم ماسك الدفتر عمال يرسم, و قال لسليمان انه يكمل الاجتماع بداله, لما
سونار وصل البيت كانت جميلة على الباب جت عشان تشوف دنيز, لما وصلو عرفوا
موضوع المربية طمنوا دنيز ان المربية خلاص حتمشي, ادتهم المفتاح سونار صعد
على الشجرة و نزل دنيز, المربية لملمت حاجتها و سابت الفيلا
ثاني يوم
ايشة راحت مع اهوها و خكيبته لغاية المدرسة سابوها و راحوا مشوار في الطريق
اخو ايشة وقع خرزة من السبحة لما رجع يدور عليها شاف ايشة بتزوغ من
المدرسة طبعا زعقلها, خطيبته حاولت تهديه, ولما وصل البيت دخل عند اخته
اخدوا يتكلموا هو كاي ولد رافض ان اخته تكون عللا علاقة بولد لكنها قالته
طب مانت على علاقة بـ(اسم خكيبته انا فاكر اسمها) يعني هية مش كويسة؟,
واخيرا قرر انه يتعرف على مته, ليشة كلمت مته ةقالتله اخويا عايز يتعرف
عليك, مته اخد عثمان عشان ميكونش وحده.
في الكازينو مته و عثمان قاعدين
بيستنو ايشة و اخوها, عثمان زهق قال حيجوا امتى مته رد عليه كمان شوية
فعثمان استاذن يعمل تلفون لغاية ميجوا, ايشة و اخوها و خطيبته جم, مته رحب
بيهم و قال انا كمان معايا اخويا حعرفكم عليه, سالوه هو فين قال حجي كمان
شوي, عثمان رجع شاف ايشة و اخوها و هم كمان شافوه, عثمان لاجمد في مكانوا
من الصدمه, ايش و اخوها كمان اتصدموا
و انتهت الحلقة على المنظر ده