اعزاز اعزاز ياما راحوا النه
وعليهم عمري كَله راح اونه
اشوفن للشماته راحه والنه
قهر ودموع والونه الخفيه








بجيت البارحه


بجيت البارحه وتذَكرتكم--لمن ناظرت عيني الصوركم
اَتخايلكم تعودون
وَظمكم جَوه العيون
بس شيعودكم والكَبر ضَمكم
بجيت البارحه وتذَكرتكم
---





كطَعنه الظنه متردون لينه--إبساع ابساع ضعتوا من ادينه
لو نتبادل ارواح
أبد كل غالي ما راح
نفدي ارواحنه المنذوره الكم
بجيت البارحه وتذَكرتكم
----






أنهَ المحتاج جيتكم عليه-- حتى بالحلم شو ماكو جيه!
اَمر ابين الكَبور
واناشد واني مقهور
معانيكم بقت لو جفت عنكم!
بجيت البارحه وتذَكرتكم

----




الدنيا ابدونكم وحشة إوكَئيبه--حتى الشمس من تطلع غريبه
اَحس تبجي عليكم
جانت تضوي بيكم
دنيا وظلمت من فاركتكم
بجيت البارحه وتذَكرتكم--لمن ناظرت عيني الصوركم






:bball: :drunken: :joker:

بجيت البارحه وتذَكرتكم--لمن ناظرت عيني الصوركم
اَتخايلكم تعودون
وَظمكم جَوه العيون
بس شيعودكم والكَبر ضَمكم
بجيت البارحه وتذَكرتكم


طبعا حـٌ~ـروف ولااجمـٌ~ـل
عـ؛ٌ~ـاشـٌ~ـت الايـٌ~ـادي