نور
رايه ولجمال اتضل ..علم نور
وكلبي غايه امراده ..علم نور
اخذت اعمامي خطابه ..على ام نور
حطو عينهم خطبوهه اليه

******************
رويده
كولي لشةكج ايهدي ..رويده
وكلبي بشوك من حبكم ..روه ايده
اعز محبوبه بالدنيه ..رويده
ولياها الحياه تصعب عليه

فرح
كلبي من سمع صوتج ..فرح بي
وقبلج عمري ماشايف ..فرح بي
احب الكون لن انتي ..فرح بي
ومنيتي ابدنيتي اتصيرين اليه

ساره
عبيد احنه الج كلنه ..واساره
خطر دربج عرف كلبي وساره
اهيم وذايب بساره ..وساره
منهه تغار حته الحور هيه


شيماء
امضيع جني من تبعد ..لشي ما
واصيرن شي جمر يحرك ..شيئ ماء
كلبي والنبض كله .......لشيماااااااااااء
لان هيه الحياه بالنسبه اليه



هند
تحي الموته لو يمهم تمر هند
حلوه هواي ماضنهه تمر هند
خليط اعناب وافواكه تمر هند
وطعم بشفافهه ايسكر البريه


هاجر
وين تهاجر اني اغبش واهاجر
لان ماطيق اعيشن دون هاجر
ها عتهه العشك والشوك هاجر
عافت كلشي هاجر جتي اليه


دعاء
لمحبتي ادعوج مخلص في دعائي
ولجل يهديج الحن في دعائي
رجاءا لاتصديني دعائي
يالحبج سكن كل ذره بيه


تبارك
يسبحانه العلي الخالق تبارك
ابدع حيل من صور تبارك
اسمع روحي لكليبي تبارك
لانج ياتبارك صرتي اليه


هيفاء
يريت البخت يجمعني وهيفااء
رشيقه طول ومزيونه وهيفاء
اليسا اتروحلج فدوه وهيفاء
واصاله ونانسي ودالي سويه


زهراء
يجنه امورده وتزهي يزهراء
يا احله بنيه بالدنيه يزهراء
بجاهج يازكيه انتي يزهراء
ردت زهراء قسمه اتصير اليه


هدى
لدرب العشك بس حضنج هداني
وسعد وافراح بس حضنج هداني
واموت بنضره اعيونج هدى اني
يااغله واعز انسانه اليه


سماح
سماح انتي كلب كلبي سماااحي
اجرحي اكليبي واضمنلج سماحي
لجل مايضل بأرض وسماحي
واموت الدنيه اذا غثتج هيه

فاتن
بنات شكد شفت عدن ...وفاتن
لكن منضرج يسحر وفاتن
اذا جبنه الحسن كله وفاتن
اكيد لفاتنتنه الاغلبيه


مروه
وحق الصفا البمكه ومروه
فراكج ضيم لاحنضل وأمروه
احس الروح تتركني ومروه
اذا ضحكتلي روحي اترد اليه


صفاء
صفاء شعندي بدنيتي غيرج يصفواي
يروحي وراحتي وسعدي يصفاوي
يبلسم جرحي اذا ضيمي يصف وي
زماني وتتفق كلهه عليه


عذراء
عذراء كلبج قسه واتحمل واعذرا
لانج باهره وطاهره وعذراء
اذا كلبي وكف نبضه وعذراء
نضر تتنضرلي نبض ايرد اليه



هبه
الناس لربهه تنطيه وهبلهه
ونطيت الروح وكليبي هبه الهه
سحر سحرتني صدكوني هبه الهه
نضره عين تحي من المنيه



ازهار
الامل خضر بعمري نمه وازهر
ودنياي اصبحت جنات وازهااار
احلم جنت طول العمر بازهار
وهسه ازهار تغفه ابين اديه


نور
وجهج نور ياحـــــــــــــلـــــوه على نور
وبيت البيه صرتي انتي علاه نور
كلبي ايطير ويرفرف على نور
لان نور الكلب والروح هيه

اسماء
امنشوفن ضل بعض ضلهه والاسماء
اتيه كل معانيهه والاسماء
حرت لا نار ملمسهه ولس ماء
لاهيه وهم لاصدك هيه


اسراء
كلبج مايحن مره على اسراه
وكلبي شوي تقدمينه على اسراه
لان حيل انتهه وذايب عله اسراء
وكلب اسراء ابد ماحن عليه


رجاء
عندي اوياج ياحلوه رجائين
تحبيني وتخلصيلي رجائين
لان لاماكو بالدنيه رجائين
رجائي انتي ومنياي وكلشي اليه



يمه تعبيت من اسمائجن يمه شكد البنات اهوايه الله يزيدهن ماشالله
هع هع هعوالي تريد اسم ماموجود تنطيني الاسم وارسله الهه
تحياتي للجميع
وانشالله تعجب البنوتات[/b][/b]