دوس على الجرح لتظن أگلك ليش
أضم بگليبي سري وما أبيعه
أراويك الظحك وبروحي تشب النار
وأطيع الصبر والذل ما أطيعه
آنه ويه الظيم عشت سنين وسنين
ولا شامت گدر يفلح صنيعه
آنه مخزن جرح من عمري سبع أيام
أنحنه ظهري وما شفت لحظه ربيعه
أدري شما أگولن آآآه ترتاح
وفرضت على الوجع أكبر قطيعه
تمر أيام وآني بضنكة الموت
وتظيگ بعيني دنياك الوسيعه
أبچي من الوجع بس ما أهل دموع
وأظل أظحك لأن صارت طبيعه
[ طبعي من الزغر أتصنع أفراح ]
أبيعن كلشي وأنت الما أبيعه
أبيع بيا وجه والعمر دين بدين
وحتى الدين ظل عندي وديعه
يظل مطلوب عمري وألمن أفدي
والحر دينه أحمر من نجيعه

نجيع دماي ينزف من يروفه
نهر چف علشانك من يروفه
روفه أهديني أنت ومني روفه
ونلم خيطي وي أبرتك بالأذيه