اريد اكتب قصيده وبتديهه احزان


وعيون المتبجي اليوم ابجيهه


كل الناس خرسه وماحجت وياي


بس غصبن عليهه اليوم احجيهه


عشت وي القهر مافاركاني ابيوم


واجروحي اشكبرهه وماتحس بيهه


من دون البشر ماغمضيت العين


امئذيهه البجي ومحد يواسهه


ليش الي احبه احلم الكاه


وناس الما احبهه اكبالي الكيهه


قلبي المحترك مو مثل باقي الناس


نار الشوك بيه وماتطفيهه


اكدر انسه اني ابيوم حبيت


بس روحي الحبتك كلي شينسيهه


اداوي اجروح ابد ماتقبل اطيب


بس ملكه الحبيب ابسرعه يشفيهه


اذا طب المكان الفرح عم بيه


واذا منطقه ظلمه ابنوره يضويهه


حلوه وسبحانه كمل بيهه لاوصاف


من انظر عليهه اعيوني تعميهه


وشوفنهه كمر ويضوي كل الكون


الشمس وي الكواكب تصفن اعليهه


ماتت واني باقي اجر حسرات


ابقه اني وحيد ? اشلون ترضيهه