مستحيل//انساك

مستحيل//انساك

مستحيل أنساك هذا مستحيل
ومستحيل أحب غيرك يا قمر

يا غناتي أنتي لدروبي دليل
وأنتي لعيوني الأماني و النظر

والله إني ما أبي غيرك بديل
يا ملاك الكون يا أغلى البشر

لو بمثّل لك مثل مالك مثيل
أنتي أغلى من ثمينات الدرر

أشهد اني ما أرى غيرك جميل
أنتي فتنة العالم وبلوا هالعصر

لو تقول الناس أبن زهبه هبيل
ما علي امن الكلام إليا أنتشر

والله أن أمشي على الخط الطويل
لو دروبي دونها فيها الخطر

يا غناتي لا تحسبيني ذليل
سقت نفسي لك على كف القدر

الأدب والحسن والخلق الفضيل
قد تجمّع فيك فعلاً وأنحصر

ملح مع طولٍ مع خصرٍ نحيل
والبياض يوضِّح عروقٍ خضر

لين مع رقه مع طرفٍ كحيل
جل رب جمّلك بأحلى الصور

العرب من حولك اتطيح وتميل
لا مشيت عيونهم تصبح عشر

كمّ رجال غدا منِّك قتيل
مات عاجز يوصلك مات بقهر

مادرو إنك طب وعلاج العليل
اللي بأمراضه تعذّب وانتظر

شفتي هذا الوصف كله لك قليل

وما أحب يطول أبغى المختصر

لو بأعدّدلك وصوفك يا جميل
بأجلس أكتب طول أيام الدهر

للشاعر/حمد العواشز الشهراني

شكراااااااا عاشت الايادي كلمات جميل ورعه

تحياتي