شِيرَجعكم شِيرَجعكم!---عطشانه اعيوني الشوفتكم

يل عفتوني ابلايا اوداع
تانيت ابكل عمري الضاع

وبس اترجعون امسامحكم!
شِيرَجعكم

]----

حتى الدرب اللي امشيناه -غَرَكَته ابدمعات العين
وي كل خطوة ايصيح الأه-وين احبابك راحوا وين

جدمك بهمومك أذاني
رايح جاي وما عافاني

درب العفتوه يسأل عنكم!
شِيرَجعكم

]----

أرد اسأل من تانه احبابه!-والراحوا منه ابلا رجعه
هَم ابليله ايزيد امصابه-مثلي وعينه اتواسي الدمعه

لو بس اني ابهاي الحاله
حاير بالونه الجَتاله!

عَلموني ابقصتي اِمروَتكم!
شِيرَجعكم

]----

خَلصانه الروح أوماظنَه-لو اصرخ يوصلكم صوتي
اتودعوني ابهل ساعه اتمنه-يل فركَاكم كَرَب موتي

ولو ما لحَكَتوا اتودعوني
بس مروا الكَبري اوزوروني

ويمكن كَبري ايصيح ابحبكم!
شِيرَجعكم]

شِيرَجعكم
]----

شِيرَجعكم شِيرَجعكم!---عطشانه اعيوني الشوفتكم

يل عفتوني ابلايا اوداع
تانيت ابكل عمري الضاع

وبس اترجعون امسامحكم!
شِيرَجعكم]

الف شكر لكل جديد
يعطيك الف عافية